Bayern Munich dhe Arsenali, Klasikja evropiane në „Allianz Arena“

Të dyja skuadrat vijnë në këtë duel pas fitoreve në kampionatet e tyre vendore. 

 

Bavarezët nuk e kanë nisur sezonin e ri të Ligës së Kampionëve në mënyrën më të mirë, edhe pse katër pikë nga dy ndeshje do të ishin një rezultat i mirë për shumicën e klubeve. Por jo për Bayernin, sidomos pasi dy pikë u humbën në përballjen kundër Vikingut. Prandaj, skuadra gjermane kërkon të rikthehet te rezultatet pozitive dhe synon vetëm fitoren. Megjithatë, arritja e saj nuk do të jetë e lehtë, pasi Arsenali është sërish një skuadër e fuqishme këtë sezon dhe synon vetëm trofe. 

 

Në dy xhirot e para, londinezët regjistruan fitore 1:0 ndaj Napolit në transfertë, në një ndeshje ku dominuan plotësisht, ndërsa më pas mposhtën Lilën me rezultatin 3:0. Arsenali e ka të vështirë të pësojë gola, ndërsa Bayerni do të jetë pa Olisen. 

 

Programi sjell edhe disa ndeshje të tjera silwsore në stadiumet evropiane. Real Madridi synon të vazhdojë serinë e fitoreve dhe të barazojë një rekord historik në Ligën e Kampionëve, teksa pret Leipzigun në fazën e ligës. Statistika më mbresëlënëse lidhet me vazhdimësinë në shënimin e golave. Reali ka shënuar në secilën prej 44 ndeshjeve të fundit si vendas në Ligën e Kampionëve, duke barazuar serinë më të gjatë të këtij lloji në historinë e kompeticionit. 

 

Mbrëmja e sotme në Ligën e Kampionëve sjell në fushë edhe Interin. Zikaltrit janë të detyruar të fitojnë për të mbajtur gjallë shpresat e kualifikimit. Interi pret Shakhtar Donetskun me objektivin e qartë për të marrë tri pikët. Skuadra e Cristian Chivut vjen pas dy humbjeve në dy ndeshjet e para të Ligës së Kampionëve, kundër Real Madridit dhe Club Brugge, ndaj një tjetër rezultat negativ do ta vështirësonte ndjeshëm rrugën drejt kualifikimit. (Gazetar: Safet Ademi)