Cili është talenti i ri i Liverpoolit? Erdhi nga Chelsea dhe tani po thyen rekordet e Owenit

21.10.2026 14:45

Liverpooli e mposhti Villarrealin me rezultatin 4:3 në xhiron e tretë të Ligës së Kampionëve...

Liverpooli e mposhti Villarrealin me rezultatin 4:3 në xhiron e tretë të Ligës së Kampionëve, pasi ishte në disavantazh prej 0:2. Një nga lojtarët më meritorë për përmbysjen ishte Rio Ngumoha (18).
 
Sulmuesi i ri anglez, që luan në krah, regjistroi dy asistime: fillimisht për golin e barazimit të Ronald Araújos dhe më pas për golin e epërsisë të shënuar nga Alexis Mac Allister. Me këtë arritje, ai u bë lojtari më i ri i Liverpoolit që regjistron një asistim në garat evropiane, duke thyer rekordin e Michael Owenit të vitit 1998.
 
Nga Londra te akademia e Chelseat
 
Ngumoha ka lindur më 29 gusht 2008 në Londër dhe është rritur në pjesën lindore të qytetit. Ai filloi të luante futboll në klubet lokale, ndërsa një rol të rëndësishëm në zhvillimin e tij pati vëllai i madh, i cili themeloi shkollën e futbollit East Soccer Base.
 
Ngumoha u stërvit atje përpara se, në moshën tetëvjeçare, të bëhej pjesë e akademisë së Chelseat.
 
Chelsea u përpoq ta mbante
 
Ai kaloi tetë vjet te Chelsea dhe fitoi reputacionin e njërit prej talenteve më të mëdha angleze të gjeneratës së tij. Veçanërisht u dallua në prill të vitit 2024, kur në moshën 15-vjeçare shënoi gol në fitoren 3:1 kundër Wolverhamptonit, në finalen e Premier League Cup për lojtarët deri në 17 vjeç. Ai realizoi pas marrjes së topit në gjysmën e vet të fushës, kalimit të tre kundërshtarëve dhe goditjes së saktë nga një distancë e madhe.
 
Ngumoha thyen rekordet e Owenit
 
Ngumoha, debutoi te Liverpooli në moshën 16-vjeçare dhe u bë golashënuesi më i ri. Pas transferimit te Liverpooli, Ngumoha fillimisht luajti për ekipet e të rinjve, por shumë shpejt iu bashkua stërvitjeve të ekipit të parë. Trajneri i atëhershëm, Arne Slot, i dha mundësinë të debutonte në janar të vitit 2025, në ndeshjen kundër Accrington Stanleyt në FA Cup. Në moshën 16 vjeç e 135 ditë, ai u bë lojtari më i ri që ka startuar një ndeshje për Liverpoolin.