Ndryshimi politik në Serbi, VLEN uron Koalicionin Shqiptar për rezultatin

“Ky sukses dëshmon se shqiptarët arrijnë më shumë kur bashkohen rreth interesit të përbashkët. Përshëndesim ndryshimin politik në Serbi dhe fitoren e Listës Studentore. Presim që qeveria e re të formohet sa më shpejt, të respektojë të drejtat e shqiptarëve të Luginës dhe t’i japë fund diskriminimit sistematik, përfshirë pasivizimin e adresave. Me Vuçiqin në opozitë, duhet të marrë fund praktika e represionit shtetëror ndaj shqiptarëve të Luginës së Preshevës.”, thuhet në kumtesën e VLEN-it.

 

VLEN-i pret që ndryshimi në Beograd të hapë një faqe të re në marrëdhëniet mes vendeve të rajonit dhe të forcojë bashkëpunimin në kuadër të Procesit të Berlinit, me synim integrimin në Bashkimin Evropian.