Raportohet mungesa e pothuajse tetë tonëve lule të thata të kanabisit mjekësor në një kompani në rajonin e Strumicës
28.10.2026 10:53
Gjatë një kontrolli në një subjekt juridik për kultivimin e kanabisit mjekësor në fshatin Borisovë, komuna e Novo Sellës, është konstatuar mungesa e 7.813,49 kilogramëve lule të thata të kanabisit, për të cilat nuk kishte dokumentacion përkatës. SPB Strumicë ka parashtruar kallëzime penale kundër kompanisë dhe drejtuesit të saj.
Mungesa e 7.813,49 kilogramëve lule të thata të kanabisit mjekësor është konstatuar gjatë një kontrolli në një subjekt juridik për kultivimin e kanabisit mjekësor në fshatin Borisovë, komuna e Novo Sellës, njoftoi Ministria e Punëve të Brendshme.
SPB Strumicë ka parashtruar kallëzime penale kundër subjektit juridik dhe drejtuesit të tij, V.K., për shkak të dyshimeve për kryerjen e veprave penale sipas nenit 95-v, paragrafët 1 dhe 2, të Ligjit për Kontrollin e Drogave Narkotike dhe Substancave Psikotrope.
Gjatë kontrollit, të realizuar nga zyrtarët policorë të SPB Strumicë dhe përfaqësuesit e komisionit kompetent pranë Ministrisë së Shëndetësisë, në ambientet ku ruheshin lulet e thata të kanabisit mjekësor janë konstatuar mangësi në dokumentacionin për personelin e angazhuar, si dhe në dokumentacionin tjetër të detyrueshëm.
Gjithashtu, është konstatuar mungesa e 7.813,49 kilogramëve lule të thata të kanabisit mjekësor, sasi për të cilën subjekti juridik nuk kishte dokumentacion përkatës dhe dëshmi justifikuese.