Pakistan, rreth 600 të vdekur nga vapa

Shumica e viktimave janë regjistruar në qytetin e Karaçit, ku temperaturat, gjatë ditëve të fundit, kanë arritur në 45 gradë celsius.

Viktima ka edhe në pjesët e tjera të provincës Sind.

 

Kryeministri i Pakistanit, Navaz Sharif, ka bërë thirrje për “masa të jashtëzakonshme”.

 

Ushtria është duke ndihmuar Autoritetin Kombëtar për Menaxhimin e Katastrofave në ngritjen e tendave freskuese.

 

Moti i nxehtë nuk është i papritur gjatë muajve të verës në Pakistan, por zgjatja e mungesës së energjisë e ka përkeqësuar situatën.

 

Kryeministri kishte njoftuar se nuk do të kishte ndërprerje të furnizimit me energji, por ato janë shtuar që nga fillimi i muajit të Ramazanit.

 

Shumica e viktimave janë të moshuar nga familje me të ardhura të ulëta.