Integrimi në BE, Mucunski: Në bazë të meritave, zgjidhja me Bullgarinë, me garanca

 

“Pritshmëria jonë si shtet është e qartë: integrimi evropian të bazohet në kredibilet, parashikueshmëri dhe i bazuar në sistem të meritave, ndërsa progresi të vlerësohet sipas kritereve të vërtetuara dhe standardeve. Mbetemi të përkushtuar në kanalet e hapura për dialog me fqinjin lindor dhe të gatshëm të japim kontributin tonë drejt progresit të marrëdhënieve dypalëshe. Njëkohësisht vlerësojmë se është e nevojshme dinamikë më e fuqishme e integrimit evropian  për tërë rajonin, në veçanti edhe qasja jonë në Bashkimin Evropian.”, - deklaroi ministri i Jashtëm, Timço Mucunski.

 

Këtij rajoni duhet t’i jepet sinjal i qartë se integrimi në BE është real, tha ministri sllovak, Bllanar, duke shtuar se nëse nuk ndodh kjo, rriten frustracionet e aspiruesve. Siguron se vendi i tij mbron parimin që në integrim të  mos bëhen dallime midis shteteve, por ecuria të shkojë sipas gatishmërive të vendeve që garojnë për në BE.

 

“Nga ana e Sllovakisë, Maqedonia ka mbështetje të madhe për integrim në BE. Ky është roli ynë që e kemi vërtetuar qysh në samitin e Selanikut dhe sot mund të themi se nuk është implementuar aq ajo që u dakrodua. Dua të them edhe para mediave se Sllovakia është kundër çdo lloj standardi të dyfishtë në aderimin drejt BE-së. Ne nuk mund të pranojmë se integrimi në BE që  është krijuar mbi standardet evropiane, ka kritere të ndryshme për shtete të ndryshme.”, - theksoi ministri i Jashtëm i Sllovakisë, Juraj Bllanar.

 

Në këtë kontekst, ministri sllovak e llogariti vendin tonë të suksesshëm në implementimin e Planit të Rritjes dhe sipas tij, kjo i lejon RMV-së arritje në qëllimin shtetëror që varet nga implementimi i reformave dhe kushtet e nevojshme për integrim.