Dhuna në protestën e djeshme në Tiranë, arrestohen gjashtë persona, dy në kërkim

 

Sipas Policisë, protestuesit kundërshtuan dhe goditën me sende të forta, lëndë piroteknike, bomba molotov, sfera dhe vida metalike punonjësit e Policisë, bllokuan qarkullimin dhe dogjën kazanë mbeturinash.

 

“Arrestohen 6 shtetas, procedohen penalisht 3 të tjerë dhe shpallen në kërkim 2. Sekuestrohen bomba molotov.”- thuhet në njoftimin e policisë.

 

Specialistët për Hetimin e Krimit, në bashkëpunim me Prokurorinë, vijojnë veprimet për dokumentimin e plotë të veprimeve të kundërligjshme të kryera gjatë tubimit, identifikimin e shtetasve të tjerë të përfshirë dhe vënien e tyre përpara përgjegjësisë ligjore.

 

Kryeministri Edi Rama përsëri sot ftesën për dialog ndaj studentëve dhe pedagogëve që vijojnë protestën, duke shprehur gatishmërinë e qeverisë për të shqyrtuar propozimet e tyre dhe për të adresuar shqetësimet e ngritura.