NBA – Donçiqi me një arritje të re, Brooklyni regjistron fitoren e parë të sezonit
02.11.2026 15:14
Luka Donçiqi shkëlqeu në fitoren e Los Angeles Lakers ndaj Toronto Raptors me rezultatin 131:125....
Luka Donçiqi shkëlqeu në fitoren e Los Angeles Lakers ndaj Toronto Raptors me rezultatin 131:125. Në 35 minuta lojë, basketbollisti slloven realizoi 45 pikë, 15 kërcime, 6 asistime dhe 5 topa të vjedhur. Kështu, Los Angeles Lakers regjistruan fitoren e pestë në po aq ndeshje në fillim të sezonit të ri të NBA-së. Sipas NBA-së dhe platformave të specializuara statistikore, kjo ishte hera e parë në historinë e ligës më të fortë të basketbollit në botë që një lojtar e përfundon një ndeshje me statistika të tilla.
Në ndeshjet e tjera – Basketbollistët e Indianës u mposhtën para tifozëve të tyre nga Brooklyn Nets me rezultatin 98:90. Kjo ishte fitorja e parë e Netsave (1-5) në sezonin e ri, ndërsa Indiana e hendikepuar (2-5) pësoi humbjen e katërt radhazi. Pikëshënuesi më i mirë i Brooklynit ishte Michael Porter Jr. me 23 pikë, ndërsa Julius Randle shtoi 20 pikë. Te Indiana u dallua Andrew Nembhard me 23 pikë, ndërsa Pascal Siakam realizoi 17 pikë. Ndërkohë, Golden State Warriors triumfuan në shtëpi ndaj Los Angeles Clippers me rezultatin 124:112, duke regjistruar fitoren e katërt radhazi.Boston Celtics, në transfertë, mposhtën Orlando Magic me rezultatin 108:97, duke regjistruar fitoren e pestë radhazi në fillim të sezonit të ri.