Askush nuk dëshiron të bëhet kryetar i FSS-së!

„Në kuadër të procesit zgjedhor në Federatën e Futbollit të Serbisë, ka përfunduar afati i paraparë për dorëzimin e kandidaturave për president dhe anëtarë të Bordit Ekzekutiv. Deri në përfundimin e afatit të përcaktuar nuk është dorëzuar asnjë kandidaturë“, thuhet në njoftimin e FSS-së. 

 

Siç bëhet e ditur më tej, shërbimet profesionale të FSS-së janë në komunikim me shërbimet përkatëse të UEFA-s dhe FIFA-s, „me qëllim të sigurimit të funksionimit të Federatës në përputhje me rregulloret në fuqi, deri në krijimin e kushteve për zhvillimin e procesit zgjedhor në të gjitha nivelet për periudhën e re të mandatit“. 

 

Kuvendi Zgjedhor ishte paraparë të mbahej më 14 nëntor dhe atë në përpjekjen e tretë, pasi në dy raste të mëparshme gjatë verës nuk ishte mbajtur.