Futboll
Sonte në Ligën e Kampionëve: Bayern viziton Atleticon, Roma në Old Trafford
03.11.2026 19:12
Xhiroja e katërt e Ligës së Kampionëve sjell një sërë përballjesh të mëdha...
Xhiroja e katërt e Ligës së Kampionëve sjell një sërë përballjesh të mëdha, ndërsa elita evropiane ka arritur në gjysmën e fazës së ligës. Vetëm pesë skuadra kanë arritur të regjistrojnë pikë të plota pas tri xhirove të para. Në mesin e tyre janë kampionët aktualë Paris Saint-Germain dhe Real Madrid, por edhe surpriza e deritanishme e garës – Real Betis.
Andaluzianët janë rikthyer në elitën evropiane pas dy dekadash dhe deri më tani po e shijojnë rikthimin në skenën më të madhe. Megjithatë, sonte vëmendja do të jetë e përqendruar edhe në Madrid, Barcelonë, Roterdam, Mançester dhe Villarreal.
Bayern udhëton te Atletico në formë të mirë, Aston Villa synon ta befasojë Barcelonën, Interin e pret atmosfera e zjarrtë në De Kuip, Roma kërkon një fitore historike në Old Trafford, ndërsa PSG duhet të shmangë kurthin në transfertën e vështirë ndaj Villarrealit.