KE-ja vlerëson stabilitetin e sektorit bankar

 

 

“Rritja e ndjeshme e kredive hipotekare dhe kredive për ndërtim ka kontribuar në rritjen e shpejtë të çmimeve të patundshmërive. Kjo, së bashku me ekspozimin e lartë të disa bankave ndaj tregut të patundshmërive, mbetet sfidë dhe kërkon vigjilencë të shtuar nga autoritetet mbikëqyrëse.”, thuhet në raportin e KE-së.

 

Nga ana e saj, Banka Popullore thekson se vlerësimet e Komisionit Evropian konfirmojnë qëndrueshmërinë e sektorit bankar dhe përparimin në forcimin e stabilitetit financiar, duke riafirmuar përkushtimin për ruajtjen e stabilitetit të çmimeve dhe financiar, si dhe harmonizimin me rregullativën evropiane.

 

“Vlerësimet e Komisionit Evropian konfirmojnë qëndrueshmërinë e sektorit bankar vendas dhe përparimin e vazhdueshëm në forcimin e stabilitetit financiar. Banka Popullore edhe në të ardhmen do të vazhdojë të kontribuojë në ruajtjen e stabilitetit të çmimeve dhe të stabilitetit financiar, si dhe në harmonizimin me rregullativën evropiane.”, thanë nga Banka Popullore.

 

Raporti, megjithatë, kërkon edhe forcimin e pavarësisë financiare të Bankës Popullore dhe vazhdimin e harmonizimit me legjislacionin evropian. Hyrja në fuqi e Ligjit për zgjidhjen e bankave dhe përparimi drejt integrimit në SEPA paraqesin hapa në këtë drejtim. Sfida mbetet që këto reforma të sjellin përfitime konkrete për qytetarët dhe bizneset.