NBA, Fitore për Bostonin dhe Philadelphian, Lakersat dominojnë në Perëndim
09.11.2026 14:35
Gjatë mbrëmjes së fundit në kampionatin amerikan të basketbollit NBA janë zhvilluar shtatë ndeshje...
Gjatë mbrëmjes së fundit në kampionatin amerikan të basketbollit NBA janë zhvilluar shtatë ndeshje. New Orleans Pelicans u mposhtën në udhëtim nga LA Clippers me rezultat 139:123. Ky ishte humbja e dytë radhazi për New Orleansin, që tashmë ka rënë nën bilancin pozitiv me katër fitore dhe gjashtë humbje (4-6), duke u renditur në vendin e 11-të në Konferencën e Perëndimit. Trey Murphy III ishte më i dalluari te Pelicans me 26 pikë dhe shtatë kërcime.
Clippersat drejt fitores bindëse i udhëhoqi Darius Garland me 24 pikë dhe 10 asistime. Për skuadrën nga Los Angelesi kjo ishte vetëm fitorja e dytë në nëntë ndeshjet e para të sezonit. Me bilancin 2-7, Clippersat renditen në vendin e 13-të në Konferencën e Perëndimit, ku garojnë 15 skuadra.
Nga ndeshjet e tjera vlen të veçohet fitorja e Los Angeles Lakers në udhëtim ndaj Detroitit, edhe pse skuadra kaliforniane ishte pa yllin e saj të lënduar, Luka Donçiq. Lakersat triumfuan me rezultat 121:116, ndërsa mungesën e Donçiqit e kompensoi Austin Reaves, i cili shkëlqeu me 43 pikë, pesë kërcime dhe katër asistime. Skuadra nga Los Angelesi, me bilancin 9-2, kryeson në Konferencën e Perëndimit, përpara Oklahoma City Thunder dhe San Antonio Spurs, që kanë nga tetë fitore dhe dy humbje (8-2).
Në Konferencën e Lindjes kryeson Philadelphia me bilancin 9-2. 76ersat mbrëmë fituan në udhëtim ndaj Chicagos me rezultat 127:121. Philadelphia drejt fitores u udhëhoq nga Jaylen Brown me 29 pikë dhe shtatë kërcime, ndërsa Tyrese Maxey kontribuoi me 27 pikë dhe shtatë asistime.