Maliqi në ZOOM: Për 22 vite BDI nuk e bëri shqip jurisprudencën
Arbnor Maliqi nga Forumi rinor i VLEN-it në emisionin “ZOOM” në TVM2, ka deklaruar se provimi i jurisprudencës tani do mund të jepet në gjuhën shqipe, ndërsa të gjitha pjesët teorike do të zhvillohen në shqip.
Arbnor Maliqi nga Forumi rinor i VLEN-it në emisionin “ZOOM” në TVM2, ka deklaruar se provimi i jurisprudencës tani do mund të jepet në gjuhën shqipe, ndërsa të gjitha pjesët teorike do të zhvillohen në shqip.
Sipas Maliqit, pjesa penale dhe ajo civile, të cilat përfshijnë edhe komponentin praktik dhe shqyrtimin e akteve reale gjyqësore do të realizohen me përkthim, ndërsa studentët shqiptarë do të kenë në dispozicion përkthyes.
“Provimi i jurisprudencës po bëhet shqip, të gjitha provimet teorike do të jenë në shqip”, deklaroi Maliqi.
Gjatë debatit në emision, ai iu kundërpërgjigj edhe përfaqësuesit të BDI-së, Ylli Paçuku duke ngritur çështjen e mosrealizimit të kësaj kërkese në periudhën e kaluar.
“Pse nuk e keni realizuar nga viti 2019 deri në vitin 2024? Ne jemi qe dy vjet në pushtet, ju keni qenë 22 vjet”, iu drejtua Maliqi, Paçukut.