Tuhina e Kërçovës ndihmon “Lagjen e trimave”

Një grup donatorësh nga fshati Tuhinë i Kërçovës, sot kanë vizituar “Lagjen e trimave” në Kumanovë, duke u solidarizuar me banorët e kësaj lagje pas përleshjeve të armatosura të 9 dhe 10 majit.

 

Me këtë rast, ata në shtabin e emergjencës sollën një ndihmë financiare për banorët e lagjes. 

 

Ndërkohë, në “Lagjen e trimave” është duke vazhduar aktiviteti për pastrimin e terrenit nga gërmadhat e mbetura të shtëpive të dëmtuara gjatë përleshjeve të armatosura.

 

Pas pastrimit të terrenit pritet në xhirollogaritë e banorëve të derdhen edhe mjetet financiare në formë kompensimi për dëmet e shkaktuara.