Kompania “Kiel Maqedoni” me investime të reja në Tetovë dhe Zhelinë

 

 

 

“Me një investim prej mbi 11 milionë eurosh në objektin ekzistues në ZZhTI, kompania po zhvillon prodhimin dhe po prezanton procese të reja teknologjike. Nga prodhimi fillestar i ulëseve për autobusë dhe trena, kompania i ka zgjeruar aktivitetet edhe në prodhimin e komponentëve metalikë. Sot patëm mundësinë të shohim edhe linjën e re të automatizuar për lyerje me pluhur, një investim prej rreth 1.5 milionë eurosh. Ky është një hap veçanërisht i rëndësishëm, pasi me këtë linjë të re kompania kompleton një proces të tërë prodhimi në Maqedoninë e Veriut. Zgjerimi i prodhimit krijon mundësi për hapjen e vendeve të reja të punës.”, - deklaroi ministri i Ekonomisë, Besar Durmishi. 

 

Një tjetër dëshmi e zhvillimit të kompanisë është edhe fakti se produktet e saj, të prodhuara në Maqedoninë e Veriut, janë pjesë e zinxhirëve prodhues të kompanive të njohura ndërkombëtare, si “Siemens”, “Alstom” dhe “Stadler”.

 

Ministri i Ekonomisë, Besar Durmishi, theksoi se ministria që ai drejton do të vazhdojë të mbështesë kompanitë vendore dhe investitorët, me qëllim rritjen e prodhimit, zgjerimin e kapaciteteve dhe forcimin e konkurrueshmërisë së tyre në tregjet ndërkombëtare.