Oklahoma City Thunder i jep fund krizës, San Antonio regjistron fitoren e 12-të
16.11.2026 13:32
Basketbollistët e San Antonios kanë regjistruar mbrëmë fitoren e 12-të radhazi...

Basketbollistët e San Antonios kanë regjistruar mbrëmë fitoren e 12-të radhazi, pasi mposhtën si mysafirë Utah Jazz me rezultatin 110:102. Skuadrën e Spurs në Salt Lake City drejt fitores e udhëhoqën Dylan Harper me 31 pikë dhe nëntë kërcime, si dhe Victor Wembanyama me 26 pikë, dhjetë kërcime dhe gjashtë asistime. Ndërkohë, fitoren e tetë radhazi e regjistruan edhe Los Angeles Lakers, të cilët triumfuan si mysafirë ndaj Phoenix Suns me rezultatin 131:123.
Luka Dončić ishte lojtari më i dalluar i Lakers në këtë fitore të re, duke shënuar 43 pikë dhe duke dhënë nëntë asistime. Spurs dhe Lakers kanë bilancin 12 fitore dhe dy humbje, duke qenë skuadrat kryesuese të NBA-së. Vetëm një fitore më pak ka skuadra kryesuese e Konferencës Lindore, Boston Celtics (11-2), të cilët mbrëmë, para tifozëve të tyre, mposhtën Dallasin me rezultatin bindës 131:94.
Një fitore të vështirë arritën edhe kampionët në fuqi, New York Knicks, në udhëtim ndaj Torontos. Ndeshja përfundoi 112:108 për Knicks, pas vazhdimeve. Nga ana tjetër, Oklahoma City Thunder arriti fitoren e parë pas tri humbjeve radhazi, duke mposhtur kundërshtarin me rezultatin 125:103. Pas 14 ndeshjeve, Oklahoma ka bilancin 9 fitore dhe 5 humbje.
