Viktima që iu pre koka në Francë është punëdhënës i terroristit

Shefit të një ndërmarrje në Rona, iu pre koka sot gjatë sulmit terrorist në objektin industrial në Izerm në afërsi të Lionit në Francë, transmeton korrespondenti i MIA-s nga Parisi.

 

Bëhet fjalë për punëdhënësin e personit të dyshuar, i cili është identifikuar si Jasin Salhi, banor i Sen-Priest, në afërsi të Lionit, i cili u arrestua pas sulmit.

 

Koka e viktimës u gjet në rrethojën e fabrikës së grupit amerikan Er Produkts në Sant Kantan-Falavie i rrethuar me flamuj islamik.

 

Bëhet fjalë për viktimën e parë të terrorizmit në Francë në të cilin është prerë koka, praktikë e gjerë e përhapur në Siri nga ana e Shtetit Islamik.

 

Viktima është burrë i moshës 45 vjeçare, i cili ka udhëhequr me ndërmarrje transportuese dhe ka disponuar me leje që të hyjë në qarkun e fabrikës Er Produkts, ku është kryer sulmi, jo më larg se aeroporti në Lion.

 

Presidenti Fransoa Oland nga ana e tij paralajmëroi përforcim të planit antiterrorist Vizhipirat, i cili është ngritur në nivel maksimal./mia