Prona e shitur tatimohet sipas vlerës në kontratë

 

 

Me ndryshimet e reja në Ligjin për tatim personal në fitim, i cili është në lexim të dytë në Kuvend, parashihet që gjatë shitjes së patundshmërisë që tatimpaguesi e ka ndërtuar vetë, si çmim furnizues do të llogaritet çmimi i vlerës së patundshmërisë, të cilin tatimpaguesi do ta dëshmojë me dokumentacion, në bazë të shpenzimeve të bëra për ndërtimin e patundshmërisë.

 

Në rast se kjo nuk mund të dëshmohet, atëherë si çmim furnizues do të llogaritet çmimi i vlerës, përkatësisht çmimi për ndërtimin e një patundshmërie të njëjtë në periudhën dhe rajonin ku është ndërtuar patundshmëria.
 

Ndryshe, me ligjin aktual tatimimi i pronës, e cila ishte objekt i shitblerjes, bëhej nga Njësia për Vetadministrim Lokal apo Qyteti i Shkupit, sipas metodologjisë për vlerësimin e vlerës së tregut të pasurisë së paluajtshme, që zakonisht ishte më e lartë se vlera e kontraktuar mes shitësit dhe blerësit dhe rrjedhimisht tatimpaguesi paguante tatim më të lartë.