KB-ja shpalli shkallën më të lartë të alarmimit humanitar në Jemen

Agjencitë humanitare të KB-së shpallën shkallën e tretë më të lartë të alarmimit humanitar në Jemen ku vazhdon konflikti mes ithtarëve të Qeverisë dhe kryengritësve shiitë Huthët, deklaroi ndihmëszëdhënësi i Organizatës botërore Farhan Hak.

 

Vendimi është sjellë pas takimit të mbajtur me kërkesë të zëvendëssekretarit të përgjithshëm për çështje humanitare Stiven O'Brajan.

 

Shkalla më e lartë e alarmimit nënkupton mobilizim të resurseve shtesë për dhënien e ndihmës popullatës.

 

Në Jemen mbi 21 milionë njerëz do të kenë nevojë për ndihmë. Kjo është mbi 80 për qind nga popullsia në vend. Plani humanitar i KB-së është për 11,7 milionë njerëz.

 

Sistemi për mbrojtje shëndetësore pothuajse nuk punon - mbi 160 institucione mjekësore janë mbyllur për shkak të problemeve me sigurinë apo mungesën e karburanteve apo mjeteve të tjera të nevojshme për punë./mia