Kryetari i Komisionit Antikorrupsion nuk i komentoi rastet e përgjimeve

Ata kanë vepruar në 79 lëndë dhe kanë zgjedhur 39 lëndë në sferën e ndeshjes së interesit.

 

Në periudhën e kaluar, Komisioni ka shqiptuar 5 vërejtje publike për persona zyrtarë të cilët kanë pasur konflikt të interesave, ka theksuar kryetari i Komisionit për Antikorrupcion, Goran Milenkov.

 

“Për këta dy muaj e gjysmë kjo përbërje e Komisionit Shtetëror për Parandalimin e Korrupsionit, në bazë të vendimeve gjyqësore ka shqiptuar gjobë prej gjithsej 20 mijë e 284 euro”- deklaroi kryetari i Komisionit për Antikorrupsion, Goran Milenkov.

 

Njëhërit, Milenkov nuk deshi të përgjigjet në pyetjet e gazetarëve nëse Komisioni ka hapur raste për hetime lidhur me përgjimet të cilat po i publikon opozita e që kanë të bëjnë me korrupsionin.

 

Ai tha se nuk komenton këto raste pasi të njëjtat gjenden në procedurë gjyqësore, dhe u largua duke i injoruar pyetjet e gazetarëve.

 

“Gjithë kjo është në procedurë gjyqësore, ka filluar proces juridik dhe ne nuk e komentojmë këtë”- tha Milenkov.

 

Milenkov, njoftoi edhe për programin shtetëror për prevenim dhe represionin e korrupsionit për vitin 2016-2019, Regjistrin e Funksionarëve në Maqedoni, konektimin me drejtorinë e doganave etj.