FSPI: Maqedonia numron 297. 543 pensionist

Një pjesë e madhe e  tyre, 177 mijë e 664 janë pensionet e pleqërisë. Mandej vijojnë pensionet invalidore, familjare, ushtarake, bujqësore dhe pensionet të dëmtimit fizik.

Numri i pensionistëve në vend nga viti  në vit po rritet, ndërsa kushtet për të fituar të drejtën e pensionimit të pleqërisë janë: burrat të kenë mbushur 64 vjeç kurse  gratë 62 vjeç dhe të kenë më së paku 15 vite shtazh.

Përqindja e shumës së pensionit   fillon prej 35 deri më 80 për qind. Por mesatarja e pensionit përllogaritet në bazë të stazhit total të mbledhur dhe të madhësisë së rrogës të të siguruarit.

“Siguruesi kur do të aplikojë për të drejtën e pensionit të pleqërisë miret parasysh të gjithë periudha e  sigurimit duke përllogaritur në përqindje varësisht se sa e ka periudhën e sigurimit apo stazhin, duke filluar nga minimalja 15 vjet deri më 35 për gra dhe 40 për burra. Përqindja maksimale e pensionit të fituar është 80 %. Gjenerator kryesor për përllogaritjen e apo lartësin e pensionit është periudha e sigurimit apo stazhit dhe lartësia e rrogës  cila është realizuar gjat periudhave të sigurimit” – tha drejtori i fondit për sigurim pensional, Amet Dauti. 

Në ligjin për sigurim pensional dhe invalidor është paraparë të shtyhet afati i  pensionimit të burrave deri më 67 vjeç dhe 65 për gratë, që vullnetarisht do të dorëzojnë deklaratë se dëshirojnë ta vazhdojnë marrëdhënien e punës.

Fondi për Sigurim Pensional gjithashtu e pranon stazhin e qytetarëve të  fituar në shtetet e ish Jugosllavisë, ndërsa me Republikën e Shqiprisë kjo do të miratohet pasi do të verifikohet marrëveshja e nënshkruar.

“Sa për informim të opinionit mund të themë që para disa muajve u nënshkrua marrveshja për sigurim social ndërmjet Republikës së Maqedonisë dhe Republikës së  Shqipërisë, marrveshje e cila pritet të ratifikohet nga ana e dy parlamenteve dhe procedurat tjera që duhet realizuar dhe  pas a saj   dy organet kompentete Fondi për Sigurim Pensional i Maqedonisë dhe i Shqipërisë të zbatojnë këtë marrveshje tani jemi në pritje të ratifikimin e marrveshjes e të vendeve” – tha drejtori i fondit për sigurim pensional, Amet Dauti. 

Procedura për miratim të vendimit për të fituar pensionin zgjat më së paku 60 ditë. (Rexhep Qamili, TVM2)