Bagdad, aeroplani bombardon aksidentalisht një qark

Zëdhënësi i Forcave të Sigurisë irakiane, gjeneral Saad Maan ka thënë në deklaratë se ky aksident ka ardhur si pasojë “e problemeve teknike”. 

 

Incidenti ka ndodhur në qarkun Nairiyah, i cili është në lindje të Bagdadit.

 

“Njëra prej bombave ngeci për shkak të problemeve teknike gjatë kthimit të aeroplanit në bazë dhe ra mbi tre shtëpi”- ka thënë Maan.

 

Numri i viktimave akoma nuk është konfirmuar. Maan ka thënë se aeroplani ushtarak ishte duke u kthyer nga një mision kur ndodhi incidenti.

 

Forcat irakiane janë duke ndërmarrë fushatë kundër militantëve të “Shtetit Islamik”, të cilët kontrollojnë shumicën e zonave të banuara me sunitë në perëndim dhe veriperëndim të Irakut.