Serbi–Hungari, trafikimi i njerëzve po merr përmasa shqetësuese

Trafikimi i qenieve njerëzore është kthyer në një biznes shumë prifitabil në Serbi dhe Hungari. Vetëm muajt e fundit, Prokuroria Publike ka proceduar më shumë çështje kundër trafikantëve se në tre vitet paraprake. 

 

“Gjetëm 4 njerëz që udhëtonin në ulësen e prapme të një makine dhe dy të tjerë të futur në bagazh ishin qytetarë sirianë që kishin hyrë ilegalisht në Hungari”- deklaroi prokurori publik-Hungari, Robert Ambruzs.

 

Emigrantët flenë në tenda dhe kjo është e vështirë në këto ditë kur temperaturat arrijnë në 40 gradë.

 

Ata mblidhen në të njëjtin vend para se të hyjnë në Hungari. Vetëm për të arritur në Suboticë, trafikantët i kanë marrë 2000 euro. 

 

“Kam dhënë 2000 euro deri këtu"- theksoi një emigrant sirian.

 

Kush të ndihmoi të vish në Serbi?

 

“Trafikantët”- u shpreh një emigrant.

 

Por, në Hungari trafikantët e qenieve njerëzore përballen me ligje të rrepta nëse kapen. 2 serbë janë në gjykatë momentalisht.

 

Ata u kishin premtuar 6 emigrantëve se do t’i çonin deri në Vjenë për 500 euro për person. Gjykata i dënoi me 3 vjet burg dhe 5 vjet ndalim hyrjeje në Hungari.

 

“Policia i kapi trafikantët dhe i ndali në paraburgim. Pas 72 orësh, ata dalin para gjykatës dhe dënohen sipas ligjeve tona. Kundër trafikantëve të huaj ne kryejmë edhe veprimet e ekstradimit”- tha ndihmësprokurori publik-Hungari, Sandor Toro.

 

Sipas të dhënave nga Prokuroria hungareze, 161 trafikantë po gjykohen në gjykatat e vendit, por shumica prej tyre janë trafikantë të huaj.