Ekspertët për vizitën e Merkelit: Mesazh Shkupit se është në rrugë të gabuar

 

“Gjermania me një mënyrë do ta inkurajojë rajonin sa i përket reformave në politikë, gjyqësor, luftën kundër korrupsionit dhe në largimin e politikanëve të cilët me dekada kanë shkaktuar problem. Në këtë kontest do ta shikoja edhe anashkalimin e vizitës së kancelares që ia bëri Shkupit zyrtar. Jemi pikërisht në muajt e fundit kur qeveria aktuale e Gruevskit e ka dëshpëruar tej mase Gjermaninë dhe në njëfarë mënyre kjo është një mesazh që i dërgohet Shkupit zyrtar për keqbërjen në politikë dhe rrugën e gabuar”- deklaroi publicisti, Emin Azemi.

 

“Tani jemi të gjithë dëshmitarë se që nga viti 2012 Gjermani po luan rol të rëndësishëm dhe ka marrë aktorin më të rëndësishëm në  zgjidhjet e çështjeve ballkanike dhe me këtë vizitë të Merkelit shihet qartë anashkalimi i Maqedonisë, duke marrë parasysh se Maqedonia ka probleme të brendshme dhe nuk po respekton obligimet ndërkombëtare”- tha analisti politik, Ylber Sela.

 

Vizita e kancelares Merkel në Shqipëri, sipas analistëve, nxjerr në pah efektin dominant që kohëve të fundit ka Shqipëria në rajon dhe  kjo forcon jo vetëm shqiptarët e Shqipërisë, por edhe të rajonit.

 

Kjo është dëshmuar edhe me marrëveshjet që ka nënshkruar kohëve të fundit Gjermania me Shqipërinë, vlerësojnë ekspertët.