Chelsea me transferim të ri, vjen portieri Begoviç

Gardiani boshnjak, është përforcimi i dytë për sivjet I të kaltërve nga Londra, pasi fillimisht kishin marr në formë huazimi nga Monakoja, Radamel Falkaon.

 

Begoviç, për një vend në formacionin e parë të Chelseat, do të ketë për rival, të padiskutueshmin, Tibo Kurtoa, derisa është vendosur që të mbaj fanellën me numër “një”, të cilën deri sezonin e shkuar e mbante Petr Çeh, që para disa javësh u largua në drejtim të Arsenalit.

 

“Jam shumë I lumtur që do ti bashkangjitem Chelseat. Kisha një bisedë me trajnerin, pas të cilës vendosa që të jam pjesë e kësaj skuadre. Me padurim e pres ditën e mërkurë, kur do ti bashkangjitem ekipit, në përgatitjet për sezonin e ri”, është shprehur Begoviç.

 

Ndryshe ai, në Stouk arriti gjatë vitit 2010 dhe te kjo skuadër luajti në 172 ndeshje, ndërsa disa herë e kishte fituar edhe shpërblimin e portierit më të mirë.

 

Për përfaqësuesen e Bosnje e Hercegovinës, ka zhvilluar gjithsej 41 ndeshje. / Mustafa Ademi