BE-ja do t'i dërgojë Sirisë edhe 64 milionë euro ndihmë humanitare

Mjetet do të shfrytëzohen  për sigurimin e medikanteve, ujit dhe ushqimit. Komisioni citon se nevojat mjekësore në Siri janë rritur në muajt e fundit.

Potencohet se një milion sirianë kanë nevojë për pranim në spital. Në të njëjtën kohë, gjysma e mjekëve sirian e kanë braktisur shtetin për shkak të kërcënimeve të përhershme ndaj jetës së tyre. Gjysma e spitaleve në Siri janë rrënuar ose mbyllur.

Mjetet janë pjesë e gjithsej 200 milion eurove ndihmë të parashikuara në buxhetin e BE-së për këtë vit për aksionet humanitare në Siri. Nga fillimi i krizës, BE ka siguruar për Sirinë ndihmë prej pothuajse katër miliardë eurove.