Shakaja që habiti shkupjanët, tre “peshkaqenë” notojnë në Vardar

Tre pendë të zeza të peshkaqenëve janë vërejtur dhe xhiruar sot nga kalimtarët e rastit duke notuar pranë anijes “Rojal”.

Pas habisë fillestare, kalimtarët filluan të shijojnë pamjen. Ende nuk dihen autorët e kësaj vepre, që disa e shohin si një shaka artistike. Dy javët e fundit në Shkup ka pasur më shumë aksione të këtij lloji.

Herën e parë grupe të panjohura të rinjsh u vunë sy pemëve, e më pas në palmat në Shkup u vërejtën edhe majmunë lodra. Dhe pas kësaj loje në ujë, nuk kanë munguar as komentet në rrjetet sociale.

Njerëzit porosisnin kuzhinierin e anijes “Rojal” të mos i hedhë në ujë mbeturinat nga ushqimet, pasi aroma e tyre mund të tërheq peshkaqenë edhe në një lumë kaq të cekët si Vardari.