Roma mposht Realin pas penalltive, Man Utd i ri e nis me fitore

Ndeshja mes dy gjigantëve evropian përfundoi ashtu siç filloi pa gola 0-0, duke lënë të dëshpëruar mbi 80 mijë tifozë në stadiumin e Melbournet, ndërsa në penallti triumfoi Roma me rezultat 7:6.

 

Të dy trajnerët ndërruan të gjithë lojtarët në fushë, përveç dy portierëve De Santic dhe Navas,k që qëndruan në portat e tyre përgjatë 90 minutave.

 

Ndërkohë në fund Roma triumfoi pas shtatë penalltive të shënuara, ndërsa talenti i ri spanjoll Lucas humbi për Realin. 

 

Në ndeshjen tjetër të kësaj kupe, Morgan Schneiderlin, Memphis Depay, Matteo Darmian dhe Bastian Schëeinsteiger debutuan të gjithë në fitoren 1-0 të Manchester United ndaj Club America. Schneiderlin shënoi golin e vetëm të takimit që në minutën e pestë të pjesës së parë, pas një krosimi të Juan Mata.

 

Francezi, Depay dhe Darmian u zëvendësuan në përfundim të 45 minutave të para nga trajneri Louis van Gaal, me Schëeinsteiger që u fut në lojë në pjesën e dytë duke regjistruar kështu edhe ndeshjen e tij të parë me fanellën e United.

 

Ish mesfushori i Bayernit zhvilloi 45 minuta mjaft mbresëlënëse, teksa United kontrolloi ndeshjen por nuk arriti të thellonte avantazhin, duke regjistruar kështu fitore minimale.