Ballkan: Temperatura të larta dhe zjarre

Temperatura edhe mbi 40 gradë celzius janë paralajmëlruar në Maqedoni, Shqipëri, Mal të zi, Kroaci, Bosnje, Serbi, e deri në Rumani, ku i nxehti pritet të vazhdojë edhe për më shumë se dhjetë ditë.

 Ministria e Shëndetësisë në Maqedoni këshillon që: "Qytetarët t'i respektojnë rekomandimet e përgjithshme për popullatën për mbrojtje nga temperaturat e larta, siç janë mbrojtja nga ekspozimi i drejtpërdrejtë në diell, shmangia e qëndrimit në ambient të hapur në periudhën nga ora 11:00 deri në orën 17:00, konsumim i ushqimit të lehtë dhe lëngje, higjienë e duarve dhe mënyrë higjienike e përgatitjes së ushqimit dhe marrjes së rregullt të terapisë te personat e sëmurë në mënyrë kronike".  

Temperaturat e larta janë shkaktar edhe I shpërthimit të zjarreve në disa vende. Më e prekur nga zjarret tani për tani rezulton Greqia, e cila prej disa ditësh po lufton me zjarret e përhapura në disa zona, por zjarre janë regjistruar edhe në kroci dhe Bosnjë.

Ndërsa me zjarrin u përball dje edhe zona malore e  Krivapallankës, ku është djegur bari I thatë, por zjarri është shuar me intervenimin e zjarrfikësve.

Nga njësiti i Zjarrfikësve apelojnë te qytetarët të janë të kujdesshëm me zjarret, si dhe të mos hudhin cigaret e ndezura.  

Ndryshe dy persona që kanë shkaktuar aksidentalisht zjarrin në kodrat në afërsi të Athinës, janë arrestuar dje në Greqi dhe të njejtit do të dalin para drejtësisë.  

RINA TURKESHI-SAHITI