Shqipëri, miratohet Ligji për arsim të lartë, Rama: fund piramidave në arsimin e lartë

Opozita braktisi votimin në shenjë proteste për atë që e cilësoi si “pazar me universitet”.

Në emër të opozitës, ish–kryeministri, Sali Berisha, e cilësoi aventurë për Shqipërinë projektligjin e qeverisë, duke akuzuar se përmes tij diskriminohen familjet që nuk kanë mundësi ekonomike të shkollojnë fëmijët e tyre.

Por, kryeministri Rama akuzoi demokratët se e kishin kthyer arsimin e lartë si piramidat e 97-ës në një katrahurë të cilës, sipas tij, do i jepet fund me ligjin e ri.

Rama e cilësoi projektligjin revolucion në arsimin e lartë, bazuar në një sistem të meritës dhe konkurrencës.