U mbajt takimi i parë i grupit punues

 

Përveç përfaqësuese të partive politike, në takim marrin  pjesë edhe nënkryetari i KSHZ-së Subhi Jakupi, përfaqësues nga Ministria e Drejtësisë të cilët do të duhet të përgadisin amendamentet për legjislacionin zgjedhor, Darko Aleksov nga MOST dhe Xhabir Deralla nga Civil, të cilët vëzhgojn zgjedhjet. 

 

Në këtë takim partitë vetëm janë njoftuar me rekomandimet e ODIHR-së për ndryshimin e ligjeve që kanë të bëjnë me zgjedhjet dhe krijimin e listës së re zgjedhore, ndërsa diskutimi mes tyre do të fillojë javën e ardhshme, me ndërmjetësimin e ekspertit belg Piter Van Hojt. Sa i përket listës zgjedhore, është propozuar regjistrimi aktiv me shenja biometrike gishtash, të cilin ekspertët e theksojnë si mënyrën më të mirë për të shmangur abuzimet me listën zgjedhore. 

 

Asociacioni qytetar ‘Most’ rekomandon, ndërsa opozita insiston që listën zgjedhore ta menaxhojë në tërësi Komisioni Shtetëror Zgjedhor, ndërsa MPB-ja dhe institucionet e tjera të jenë në shërbim të saj. Në pjesën e regullativës ligjore, BDI-ja kërkon anulimin e votimit në diasporë, për shkak të shkeljes së parimit të barazisë së votës.

 

LSDM kërkon që deputetët e diasporës të marrin mandat vetëm nëse grumbullojnë 80% të votave të nevojshme për zgjedhjen e një deputeti në Maqedoni, për të balancuar vlefshmërinë e votës brenda dhe jashtë vendit.