Shqipëria nuk do i vërë veto Maqedonisë në NATO, kërkon hetim transparent për Kumanovën

Por, Rama nënvizoi rëndësinë e zbatimit të Marrëveshjes së Ohrit për të ecur përpara në rrugën e integrimit. Sipas tij rajoni ka nevojë për një Maqedoni stabile.

“Dokumenti i fundit në Samitin e Wellsit, është një dokument në të cilin të gjitha vendet anëtare të NATO-s u pajtuan dhe e potencuan nevojën që Maqedonia ta implementoje Marrëveshjen e Ohrit si bazë për bashkëjetesë dhe harmoni në paqe e bashkëpunim midis shqiptarëve dhe maqedonasve. Dhe gjithsesi si bazë për forcimin e Maqedonisë, të jetë më stabile dhe më prosperuese. Ne absolutisht jemi të interesuar që Maqedoninë ta shohim më të fuqishme dhe  besojmë se është e një rëndësie strategjike për rajonin dhe gjithsesi për Shqipërinë që të kemi një Maqedoni të integruar dhe stabile” – tha kryeministri shqiptarë, Edi Rama.

Në këtë intervistë, kryeministri shqiptar ka folur edhe për ngjarjet e 9 majit në Kumanovë, duke theksuar se ai pret një  hetim të pavarur dhe transparent,  e që do u ndihmonte të gjithëve.

“Mendoj dhe jam i sigurt se një hetim transparent dhe i pavarur do të jetë një ndihmesë e madhe për të gjithë. Do të jetë kontribut i rëndësishëm edhe për vetë Maqedoninë, si shembull ku marrëdhëniet ndëretnike nuk janë problem, por përkundrazi janë një potencial i veçantë për përparimin e  shoqërisë dhe shtetit” – u shpreh kryeministri shqiptarë, Edi Rama.

Në samitin kundër terrorizmit në Tiranë kohë më parë, kryeministri shqiptar I përkujto Maqedonisë se nuk mund të bëhet anëtare më të drejta të plota në NATO pa garantuar të drejta për të gjithë dhe pa garantuar zbatimin e marrëveshjes së Ohrit.

Shqiptarët kanë qenë janë dhe mbeten një faktor shtet formues i patjetërsueshëm, i padiskutueshëm dhe i pazevëndësueshëm për integritetin e shetit maqedonas deklaroi Rama gjatë ministerialit të Tiranës. (Migena Gorenca, TVM2)