Zijadin Sela kërkon ndriçimin e rastit
Kreu i Lëvizjes për Reforma Zijadin Sela, ka kërkuar organet kompetente që urgjentisht ta ndriçojnë rastin e vrasjes së zv drejtorit të drejtorisë për të hyra publike, Argëtim Asani...
"Vrasja në Strugë në kulmin e sezonit turistik dhe pikërisht në mes të qytetit nuk do ta rrezikojë sigurinë e pushuesve dhe vizitorëve, e as të vetë struganëve", ka deklaruar kryetari i Strugës Zijadin Sela, menjëherë pas incidentit, duke mos dashur të spekulojë për motivet e vrasjes.
Autori i vrasjes është Abdulla Kupa, vëllai i ish shoferit të kreut të Strugës, Uran Kupës i cili u vra në rethana ende misterioze kohë më parë.
Pista e hakmarrjes është edhe pista kryesore në të cilë është përqëndruar policia. Policia ka ngritur kallëzim penal ndaj 23 vjeçarit nga Veleshta, i cili me armë zjarri ka shtënë 14 plumba duke privuar nga jeta Asanin.
Pas inspektimit në vendngjarje dhe pas ndërmarrjes së masave tjera, zyrtarët policor kanë kontrolluar shtëpinë e tani më të denoncuarit dhe në oborrin e shtëpisë është gjetur makina e llojit “golf’ me targa të Strugës.
Në bagazhin e makinë është gjetur arma me të cilën është kryer vepra, markë “XC” pa plumba. Arma është dorëzuar për ekspertizë në Ministrinë e Punëve të Brendshme në Shkup. (Rejhane Bushi - Metaj, TVM2)