Viti i ri shkollor starton me 01 Shtator

Këtë vendim e ka marrë qeveria në seancën e mbrëmshme, në bazë të raporteve  të parashtruara nga Ministria e Arsimit dhe Shkencës, vendim I cili hedh poshtë iniciativa për korektimin eventual të fillimit të  vitit shkollor. 

Kështu deklaroi sot zv.ministri i arsimit, Spiro Ristovski. Paraprakisht, sipas Ristovskit,  MASH është  konsultuar me  stafet profesionale, pedagogë dhe persona kompetentë,  me ç’rast është konkluduar se nuk është në rregull dhe  racionale të bëhen ndryshime për fillim vitin  shkollor , vetëm 30 ditë para fillimit të zakonshëm të vitit shkollor.

“Viti i ri shkollor si  çdo herë do të fillojë me 1 shtator, kështu që ju bëj thirrje prindërve dhe nxënësve ti bëjnë  të gjitha përgatitjet në,  pajtim me planin dhe në shtator të fillojnë mësimet ashtu siç është  praktikuar deri më tani” – tha zv.ministri i Arsimit, Spiro Ristovski. 

Por, Ristovski, gjithashtu deklaroi se për këto iniciativa,  qeveria ka angazhuar Ministrinë e Arsimit dhe Ministrinë e Ekonomisë  të bëjnë  një analizë më të thellë në periudhën në vijim rreth efektit të korrektimit të mënyrës  dhe organizimin e vitit shkollor, si në aspektin ekonomik ashtu edhe në atë shkencor. Por kjo gjithsesi sipas zv.ministrit Ristovski,  do të ndodhë në vazhdimësi  dhe nuk do të vlejë për vitin shkollor 2015/2016. (Nermin Mulaki – Fejzullahu, TVM2)