LSDM: Qeveria t’i dëmshpërblejë ata që paguan
LSDM opozitare kërkon nga Qeveria që t’i dëmshpërblejë të gjithë honoraristët që në periudhën e kaluar kanë qenë të obliguar të paguajnë kontributetet personale në bazë të ligjit për honorare të miratuar në fillim të këtij viti...
Kjo parti gjithashtu kërkon nga Gjykata Kushtetuese të prononcohet dhe të shqyrtoj kushtetueshmërisë së ligjit.
“Në 7 muajt e kaluara shumë qytetarë fituan honorare më të vogla dhe mbetën pa sigurim shëndetësor dhe invalidor. Ligji për honorarë i obligoj ata të paguajnë dy herë kontributet personale për të njëjtën punë pa fituar paraprakisht asnjë shërbim shtesë. Ndryshimet e ligjit për honorare e miratuan për ta mbushur buxhetin e dobët të Fondit Pensional dhe Invalidor.Kërkojmë që qeveria ti dëmshpërblejë të gjith qytetarët që deri tani i kanë paguar në mënyrë të rregullët të gjitha kontributet për honorarë” – tha Mila Carovska, nga LSDM.
Sipas LSDM-së pezullimi i ligjit për honorare duhet shërbej si mësim në të ardhmen, ku sipas tyre të gjitha ndryshimet ligjore në Maqedoni duhet miratuar duke i konsultuar të gjitha palët e përfshira. (Rexhep Qamili, TVM2)