Xheladini: Po bëjnë marketing politik

Sipas tij me ribalancin janë paraparë miliona denarë edhe për projektet shqiptar në Maqedoni.

Në Kuadër të Rebalansit të Buxhetit për vitin 2015 janë paraparë 114.4 milion denarë,  për ndërtimin e 4 akseve nga sistemi i ujësjellësit në Komunën e Likovës, mbindërtimi i rrjetit të ujësjellësit në gjatësi prej 5 km në Komunën e Tetovës, me çka do të rrumbullakohet furnizimi me ujë cilësor për pije për rreth 80,000 banorë, realizimi i fazës së dytë të ndërtimit të rrjetit të ujësjellësit nga fsh. Kollarë deri në Zajaz.

Mjete janë paraparë edhe për ndërtimin e stacioneve të filtrimit në  Gostivar 33,5 milion denarë dhe Saraj 10 milion denarë.

Në ndërtim e sipër eshtë Sheshi Skënderbeu në Çair, për të cilin me rebalans janë paraparë 160 milionë denarë.

Mjete janë paraparë edhe për ndërtimin e Qendrës dijagnostike pranë Spitalit klinik në Tetovë edhe atë 43.6 milion denarë si dhe për Rikonstruimin e Spitaleve në Kërçovë dhe Strugë.

Kemi rritje të mjeteve për USHT-në dhe për ndërtimin e Teatrit dhe bibliotekës në Tetovë. Gjithashtu mjete janë paraparë dhe vazhdon realizimi i Projektit për Rikonstruimin e Teatrit Shqiptar në Shkup.

Vazhdon edhe ndërtimi intensiv i Zonave Zhvillimore Teknologjiko-Industriale në Tetovë, Kërçovë dhe Strugë, në përputhje me strategjinë për tërheqje të investimeve dhe paralajmërimeve, gjegjësisht nënshkrimin e kontratave për investimet e huaja në këto Zona, reagon Xheladini.

Gjatë 6 ditëve sa zgjati debate në kuvend për ribalancin e buxhetit, por edhe në pres konferencën e djeshme, PDSH akuzoi BDI-në se ka hedhur poshtë të gjitha projektet shqiptare. Deputetët e BDI-së nuk morën pjesë në debatin për projektet shqiptare por lanë që në vend të tyre këtyre projekteve tu thotë jo ministri i financave Zoran Stavrevski akuzoi PDSH. (Rexhep Qamili, TVM2)