Në Izrael mijëra persona protestuan kundër nxitjes së urrejtjes

Mijëra izraelitë kanë protestuar mbrëmë vonë kundër dhunës dhe nxitjes së urrejtjes, pas sulmeve aktuale të ekstremistëve hebrenjë, që në shënjestër i kishin palestinezët dhe homoseksualët.

 

Të premten një izraelit ortodoks ekstrem i therri me thikë gjashtë pjesëmarrës të një parakalimi të homoseksualëve në Jerusalem.

 

Vetëm disa orë më vonë, sulmuesit e dyshuar izraelitë e kanë djegur shtëpinë e një familjeje palestineze në Bregun Perëndimor, duke e vrarë një fëmijë 18 muajsh, që ishte në gjumë, dhe duke i plagosur në mënyrë kritike prindërit e tij dhe vëllain e tij katërvjeçar.

 

Afro dy mijë njerëz, përfshirë edhe xhaxhain e fëmijës së vrarë, kanë marrë pjesë në tubimin në Tel Aviv, të organizuar nga aktivistët që angazhohen për paqe.

 

Në Jerusalem, afër vendit ku ishin therrë me thikë pjesëmarrësit e një marshi të homoseksualëve, është nbajtur një tubim, ku kanë marrë pjesë disa qindra vetë.

 

Presidenti i Izraelit, Reuven Rivlin, tha se flakët e urrejtjes janë përhapur në gjithë vendin,

 

"Flakët e dhunës, urrejtjes, dhe besimi mashtrues dhe i shtrembëruar, janë përhapur në gjithë vendin tonë", tha ai.

 

Tubime më të vogla janë mbajtur edhe në qytetet e tjera në Izrael./mia