Uji që rrjedh nga çesmat publike, është i sigurtë
Me rritjen e temperaturave, është rritur numri i qytetarëve që pijnë ujë nga çezmat publike në qytetin e Shkupit...
Nga ndërmarrja publike “Ujësjellësi dhe kanalizimi” thonë se gjatë kësaj periudhe, kur temperaturat kanë pësuar rritje drastike, harxhimi i ujit në nivel të Qytetit të Shkupit është rritur për 15 për qind.
Në Shkup, gjatë një ditë të zakonshme – harxhohen rreth 270 mijë metër kub ujë në ditë, ndërkaq me ardhjen e valës së nxehtë, ky numër arrin deri në 300 mijë metër kub.
Por nga kjo ndërmarrje sigurojnë se uji të cilën qytetarët Shkupit e konsumojnë nëpërmjet çezmave publike, është i siguritë dhe nuk dallon fare nga uji i cili përdorët nëpër amvisëritë tona. Janë rreth 220 cesma publike që funksionojnë në kuadër të qytetit të Shkupit.
Në përgjithësi qytetarët e anketuar thonë se janë të sigurtë në ujin që e pijnë nëpër çezmat publike
“I sigurte,me vite pihet ky ujë…kejt turistat dhe kush kalon e pijnë këtë ujë”
“Unë nuk mund të dij a është i pastër,vetëm e kërkova”
“ I mirë është uji”
“ Shumë i mirë është uji në Shkup”
“Ky ujë është i mirë..tjetër kah sedi”
“Çdoherë kemi pi këtu besoj që është i sigurtë”
“Në Çarshi çdoherë është uji i pastër në tjera vende sedi”
“Po shumë i pastër është” – thanë disa nga qytetarët e anketuar.
Vjet , Instituti publik i shëndetit konstatoi së një pjesë e mirë e çezmave publike në Shkup nuk ofrojnë ujë të shëndetshëm për pije. Analizat në disa çezma publike zbuluan baktere koliformne dhe bakterien e esherija kolit.
Pas analizës së fundit në pranverë, Instituti njoftoi uji i çezmave publike mund të konsumohet lirisht , për shkak se rreziku nga bakteriet e ndryshme është larguar.
Nga NP ”Ujësjellësi dhe kanalizimi”, thonë se edhe përkundër harxhimeve të mëdha, ka sasi të mjaftueshme uji, por pikat më kritike vërehen në viset e larta dhe në disa vende tjera, ku uji shfrytëzohet pa kontroll. (Vlora Latifi – Topojani, TVM2)