Zyrtare: Asnjë i mbijetuar nga 54 personat në bord

Pas kërkimeve të vazhdueshme nëpër pyjet malore të përfshira nga mjegulla, skuadrat indoneziane të shpëtimit mundën të arrinin në vendin ku ishte përplasur avioni i pasagjerëve Trigana.

Kur e gjetën, ata e përshkruajnë si një skenë horror vendngjarjen e mbushur me trupa njerëzish në mes të pemëve.

Asnjë nga të 54 personat në bord nuk mundi t’i mbijetojë fatkeqësisë, tha Heronimus Guru, zëvendës drejtori i operacioneve të kërkim-shpëtimit për agjencinë kombëtare të Indonezisë.

Helikopterët po shkojnë drejt provincës Papua, për të filluar procesin e evakuimit.

Avioni humbi kontaktet me kontrollin e trafikut ajror pak pasi ishte nisur.

Përpjepjekt për të gjetur të mbijetuarit apo edhe vetë avionin,  u anulluan disa herë për shkak të motit tej mase të keq.

AIDA AVDULLAU-ZIBERI