Nis Mastersi i Cincinnatit, të gjithë në ndjekje të Federer

Vetëm pak orë pas përfundimit të Rogers Cup në Ohio të Shteteve të Bashkuara të Amerikës këtë të Hënë nisi turneu i dytë Masters i muajit Gusht edhe pse shumë nga emrat e mëdhenj nuk zbritën në fushë pasi janë kualifikuar automatikisht në raundin e dytë.

 

 

2 tenistët e tjerë që kanë triumfuar më parë dhe që marrin pjesë edhe këtë vit në Mastersin e Cincinnatit janë Andy Murray me 2 suksese dhe Rafael Nadal me një të tillë.

 

Në ditën e parë surprizën e vërtetë e dhuroi Gael Monflis, i cili u eliminua në 2 sete nga Jerzi Janowicz.

 

Tenisti polak pasi fitoi setin e parë me shifrat 6-4 triumfoi edhe në të dytin 7-5 duke mbyllur llogaritë me kundërshtarin e tij francez në 1 orë e 18 minuta lojë.

 

E hëna nuk ishte dita e tenistëve francezë pasi edhe Gilles Simon u eliminua teksa u mund në 3 sete nga shtatlarti kroat Ivo Karlovic.

 

Një biletë në raundin e dytë e siguroi edhe tenisti me origjinë greke por që përfaqëson australinë Thanasis Kokkinakis, i cili nxorri jashtë turneut italianin Fabio Fognini të cilin e mposhti 2-1 me sete.

 

U kualifikuan për më tej edhe Jack Sock, Benoit Paire, Andreas Seppi dhe Vasek Pospisil.

 

Në kategorinë e femrave e pati të thjeshtë motra e madhe e familjes Williams, Venus që kaloi në 2 sete kazaken Diyas.

 

Surprizat e vërteta i dhuruan Timea Bazcinzky dhe nënkampionia e Wimbledon spanjollja Garbine Muguruza që u eliminuan respektivisht nga Madison Keys dhe Yaroslava Shvedova.