IAAF pranon Federatën e Atletikës të Kosovës

 

Sot në Pekin të Kinës është mbajtur Kongresi Botëror i Atletikës, ku është pranuar me të drejta të plota edhe Federata e Atletikës të Kosovës.

 

Kosova është bërë anëtari më i ri dhe i 213 i Federatës Botërore të Atletikës, ndërsa nga 211 anëtare për Kosovën votuan 187, kundër ishin 13 vende.

 

Pas këtij pranimi, edhe zyrtarisht i është lejuar pjesëmarrja atletit Musa Hajdari, në Kampionatin Botëror të Atletikës, i cili do të zhvillohet nga 22-30 gusht në Pekin të Kinës.