3 mijë refugjatë bllokojnë linjën Selanik- Shkup, qeveria shpallë gjendje të jashtëzakonshme

Mijra migrantë ilegalë  refugjatë bllokuan linjën hekurudhore ndërkombëtare Selanik –Shkup, ndërsa në territorin grek veç më janë bllokuar dy trena për transport dhe një tren i udhëtarëve.

 

Në kufirin ndërmjet Maqedonisë dhe Greqisë një grup prej 3.000 refugjatësh përgjatë brezit kufitar po tentojnë të hyjnë në vend. Një numër i madh i tyre janë kryesisht të rinj të moshës 20 dhe 30 vjeçare, të cilët, siç informuan, dëshirojnë të shkojnë në vendet e Bashkimit Evropian.

 

Një numër i madh i pjesëtarëve të policisë janë vendosur për të ndaluar masën e madhe për t’u nisur në këmbë drejt Gjevgjelisë.

 

Ndërkohë, për shkak të zmadhimit të numrit të emigrantëve, Qeveria e Maqedonisë në seancën e sotme shpalli gjendje të jashtëzakonshme në jug dhe veri të vendit, tha zëdhënësi i Ministrisë së Punëve të  Brendshme, Ivo Kotevski, duke shtuar se për sigurimin e kufirit jugor do të angazhohet edhe armata e RM-së.

 

“Për shkak të presionit të madh në kufirin jugor dhe rritja e intenzitetit të të ashtuquajturës korridori i migrantëve të ballkanit u vlerësua se ishte e patjetërsueshme kotrolle të shtuara dhe më efektive të kufirit, ku regjistrohen kalime masovike ilegale nga Greqia.Angazhimi i armatës,presim të japë rezultate që të shtohet siguria e banorëve lokal dhe të sigurohet trajtim gjithpërfshirës i personave të cilët kanë shprehur dëshirë për të kërkuar azil në Maqedoni”, shprehet zëdhënës i MPB-së, Ivo Kotevski.

 

Sipas vendimit të Qeverisë, do të formohet shtab kryesor në kuadër të Qendrës për Menaxhimin me Kriza, e cila për një kohë të shkurtër do të përpilojë plan të përshtatshëm për veprim.