Lubin-Perurohet rruga e re Xhaferi -Murati: Vazhdojmë investimet

Zv Kryeministri Musa Xhaferi tha se Komuna e Sarajit nga nje komunë rurale, po transformohet në një Komunë urbane , si dhe një zonë ku mund të zhvillohet turizmi.

 

“Pushteti qëndror bashkë me pushtetin lokal do të vazhdojë të investojë në infrastrukturë, në shkolla, çerdhe, ujësjellës, plane urbanistike që pastaj kur të kompletohet komuna e Sarajit ka parakushte  më të mira ndoshta të të gjitha komunave të Kryeqytetit për zhvillimin e Turizmit”, tha Musa Xhaferi, Zv Kryeministër për Implementimin e Marrëveshjes së Ohrit.

  

“Ne edhe njëherë komuna e Sarajit dëshmojmë përkushtimin që e kemi ndaj përmirësimit të infrastrukturës nëpër të gjitha vendbanimet. Ne si komunë e Sarajit absolutisht që do të vazhdojmë edhe me projekte tjera,kërkesë e radhës e cila është menduar si prioritet nga ana e vetë banorëve  te këtij vendbanimi është  rregullimi i ndricimit rrugor,respektivisht ndërrimi i  poceve elektrike gjë të cilën besoj brenda dy muajve të ardhshëm do të përfundojë jo vetëm në këtë vendbanim por edhe në të gjitha vendbanimet e Komunës së Sarajit”, tha Bekim Murati, Kryetar i Komunës së Sarajit

 

Murati theksoi se vazhdojnë edhe me projekte  tjera,dhe në kuadër të fondeve IPARD kanë fituar rreth 40 milion denarë që do ti shfrytëzojnë për hartimin e planeve urbanistike ,ndërsa pjesën tjetër për asfaltimin e rruges nga vendbanimet Grcec-Krushopek deri në Nerez të Mesëm.