Prokurori special, grupi punues numëron në vend

Edhe në takimin e fundit, palët nuk kanë gjetur një zgjidhje kompromisi.

 

 

Nga ana tjetër, LSDM nuk lëviz nga qëndrimi se prokurori special duhet të rregullohet me një ligj special, të ketë ekipin e tij dhe buxhet të bollshëm, si parakusht për të patur autonomi të plotë. 

 

Siç duket, palëve nuk u ka mjaftuar ndihma e ekspertëve të huaj ose nuk gjejnë kurajën për të themeluar institucionin e cili, kushtimisht thënë, do të pastronte figurën e kryeministrit, i përfshirë në pjesën më të madhe të skandalit me përgjimet në masë, por edhe figurën e kreut të LSDM-së kundër të cilët janë ngritur dy aktakuza, rasti “Puç” dhe “Mitmarrje”.

 

Çështja e Prokurorit special është diskutuar në takimin e parë të grupit, ku ekspertit irlandez, Xhejms Hamilton, ka propozuar modelin irlandez dhe atë amerikan për zgjedhjen e prokurorit, dhe në takimin e së martës.

 

Prokurori special duhet të zgjidhet më së voni deri më 15 shtator. Ky është afati i paraparë në protokollin e marrëveshjes së dy qershorit. 

 

Përveç mënyrës së zgjedhjes dhe kopetencave të prokurorit special, një çështje tjetër e vështirë për kompromis do të jetë vetë kandidati për prokuror, i cili duhet të merr pëlqimin e të katër subjekteve politike të përfshira në bisedime. 

 

Nësë partitë politike nuk ia dalin të dakordohen për kandidatin, atëherë nuk përjashtohet mundësia që kandidatin ta propozojnë ndëmjetësuesit, përkatësisht SHBA-të dhe BE-ja.

 

Ndërkaq, ekspertë të fushës kanë theksuar se përveç prokurorit special duhet themeluar edhe një gjykatë speciale. Në të kundërtën puna e prokurorit special mund të dështojë në gjykata.

 

Edhepse afati për zbatimin e marrëveshje së dy qershorit po rrjedh pa asnjë dakordimin, grupi punues nuk do të ketë takime gjatë fundjavës.

 

Takimi i rradhës pritet të mbahet ditën e hënë, kur do të vazhdojnë bisedimet për Kodin Zgjedhor dhe KSHZ-në.