Grupi punues, Hojt: pika më e vështirë, debati serioz

 

 

“Përgjithësisht, pika më e vështirë ishte që të motivosh palët të ulen së bashku dhe seriozisht dhe në kontinuitet të angazhohen në bisedime. Ditëve të fundit kishim bisedime të mira, të përgatitura mirë, ndërkaq unë kërkova përfshirjen e të gjithë palëve, gjë që ndodhi. Ky është një hap i madh përpara pasi palët seriozisht u përfshinë në bisedime. E them gjithmonë se është fatkeqësi kur palët nuk kanë besim të ndërsjellë, pasi në këtë rast niveli i bisedimeve nuk është ashtu siç do të duhej të jetë”- deklaroi eksperti i BE-së, Piter Van Hojt.

 

Jozyrtarisht, palët janë shumë afër marrëveshjes politike për pastrimin e listës zgjedhore, përbërjen dhe kompetencat e KShZ-së.

 

Palët shqyrtojnë opsionin që vërejtjet dhe ankesat për procesin zgjedhor të mos i shqyrtojë KShZ dhe as gjykatat ekzistuese, por një trup i posaçëm ose një kolegj gjyqësor.

 

Në takimin e së enjtes, grupi punues do të vazhdojë bisedimet rreth prokurorit special dhe kompetencat e tij.

 

Për këtë çështje, grupi punues është nën presion të kohës, pasi afati i fundit për zgjedhjen e prokurorit special, sipas Marrëveshjes së Përzhinos, është 15 shtatori.