Vendi në fazën e portokalltë të temperaturës, nga e hëna pritet freskim i motit

Këto temperatura janë të pazakonta për muajin shtator, thonë mjekët të cilët u rekomandojnë fëmijëve dhe të sëmurëve kronik që të mos u ekspozohen rrezeve të diellit.

 

Problem shtesë për këtë periudhë  është edhe lagështia e ajrit dhe rrezet ultraviolete, që ndikojnë në veçanti tek pacientët me sëmundje kronike.

 

“Prej rrezeve UV rreziku është se ndikojnë në sistemin e lëkurës, tek të pamurit dhe në organet e tretjes kemi alergji nga temperaturat e larta dhe mund të preket sistemi gastrointestinal. Lagështia e ajrit ndikon te pacientët me sëmundje respiratorë, te alergjitë kronike, ata duhet të kenë kujdes që të mos dalin gjatë ditës, por vetëm në mëngjes ose pas orës pesë të ditës”- deklaroi mjekja, Sofjane Bellcishta.

 

Në rast të goditjes nga dielli dhe alivanosjes duhet të reagojmë në kohë, duke parandaluar përkeqësimin e gjendjes e cila mund të jetë me pasoja fatale.

 

“Për ndihmën e parë duhet pacientin ta largojmë nga temperatura e lartë dhe ta kthejmë anash dhe të presim ndihmën e shpejtë”- theksoi mjekja, Sofjane Bellcishta.

 

Ndërkohë, meteorologët paralajmërojnë se deri në fund të javës do të ketë mot të nxehtë dhe me diell, ndërsa nga e hëna pritet rënie të temperaturave.

 

 

Temperaturat gjatë këtyre ditëve do arrijnë deri më 37 gradë celsius, andaj duhet zbatuar rekomandimet e mjekëve për të parandaluar rreziqet shëndetësore si pasojë e ndryshimit të temperaturës.