Raporti i FMN-së: Mosrespektimi i marrëveshjes ndikon negativisht

Mosrealizimi i marrëveshjes mund ta komplikojë edhe procesin integrues të vendit drejt BE-së dhe NATO-s, paralajmërojnë nga Fondi Monetar Ndërkombëtar.

 

Por, gjithsesi, FMN potencon në raport se vitin e kaluar Maqedonia ka pasur rritje më të lartë në rajon me shkallë prej 3,8 për qind rritje të BPV-së.

 

Ndërsa këtë vit ka pasur rritje prej 3,2 për qind, që është afër rritjes së projektuar nga ana e Qeverisë.

 

Por, edhe pse Maqedonia është një nga vendet me borxhe më të vogla në Evropë, me 43.7% borxh publik, shqetësues është fakti se borxhi i Maqedonisë ka trend rritës prej vitin 2008, ku atëherë Maqedonia kishte borxh vetëm 20.60%.

 

Sipas FMN-së, prioritet kryesor për qeverinë e Maqedonisë mbetet ruajtja e stabilitetit makroekonomik dhe financiar, por shton se rritja e pagave do të thellojë deficitin buxhetor për 4%.

 

Sipas FMN-së, mënyra e vetme për zvogëlimin e papunësisë është përmes hyrjes së investimeve të huaja.

 

Investimet e drejtpërdrejta të huaja do të ndikojnë për hapjen e mbi  30.000 vendeve  të reja të punës në Maqedoni  në 2-3  vitet e ardhshme, thuhet në raportin e fundit të FMN-së.

 

FMN vlerëson se sistemi tatimor i Maqedonisë dhe klima e mirë e biznesit bashkë me investimet e nevojshme në infrastrukturë ndikojnë në tërheqjen e investimeve të drejtpërdrejta nga sipërmarrësit e huaj.

 

Strategjia e tillë për zhvillim veç më jep rezultate, konstatojnë nga FMN-ja dhe potencojnë se Maqedonia ka rritje më të madhe ekonomike në rajon, thuhet në vlerësimin e FMN-së.