BE reflekton pas tragjedisë me fëmijët, vendoset për shpërndarjen e 160 mijë refugjatëve

Sipas planit në bazë të të cilit edhe janë dakorduar liderët evropianë, emigrantët që janë në Itali, Greqi dhe Hungari do transportohen nëpër vende të tjera të BE-së, në bazë të kriterit të numrit të popullsisë dhe prosperitetit ekonomik.

 

Në të njëjtën kohë, shumica e refugjatëve, 35.000 prej tyre do të dërgohen në Gjermani, në Francë do të shkojnë 26 mijë, në Spanjë 16 mijë, ndërsa në Kroaci 3 mijë e 200.

 

Edhe pse sipas të njëjtave kritere Britania e Madhe do të duhej të akomodonte 17 mijë refugjatë, britanikët kanë vendosur që tani për tani të mos jenë pjesë e planit të përbashkët të BE-së për pranimin e emigrantëve, megjithëse kryeministri Kamerun premtoi se vendi i tij do të pranojë mijëra refugjatë. 

 

Ndërkohë, një nga zyrtarët më të lartë të Pentagonit, gjenerali Martin Dempsey, thotë se kriza e emigrantëve dhe refugjatëve nga Siria dhe Afrika e Veriut drejt Evropës “është një emergjencë shumë e madhe, dhe një krizë reale”. Kjo që po ndodh për gjeneralin është një “problem brezash”.

 

Duhen marrë masat e duhura për t’u përballuar me  krizën për të paktën 20 vjet, tha ai. 

 

Lidhur me foton dramatike të fëmijës sirian tre vjeçar, i cili u gjet i pajetë në brigjet e Turqisë, Dempsey thotë se ajo foto “ka të njëjtin efekt si ajo e 1995, të sulmit me predha në sheshin e tregut në Sarajevë, që shtyu NATO-n të ndërhyjë në Bosnje”.

 

Pra, ajo shtyu komunitetin ndërkombëtar të gjejë një zgjidhje me një emergjencë dramatike.