Fondi për Inovacione -1.78 milionë euro, 50 persona do të trajnohen se si të aplikojnë
Fondi për inovacione do të ndajë 1. 78 milion euro deri në fund të muajit shtator për të tejkaluar problemet me të cilat përballen aplikuesit e ndërmarrjeve të vogla dhe të mëdha...
Gjatë zbatimit të thirrjes së parë për instrumentin për përkrahje të granteve të bashkëfinancuara për ndërmarrjet e sapothemeluara, “Start ap” dhe “Spin of”, janë identifikuar disa tema për trajnim, si kyçe për aplikuesit me qëllim të përgatitjes së propozim-projektit cilësor si trajnim për analizë të rreziqeve, potencialin e tregut, projeksionin financiar dhe mbrojtjen e të drejtave nga pronësia intelektuale për aplikuesit potencial për instrumentet për përkrahje të Fondit.
“Kemi vërejtur se ka disa probleme në plotësimin e aplikacionit dhe pikërisht për këtë qëllim i kemi përkushtuar vëmendje 4 temave të cilat kanë qenë problem për aplikuesit”- deklaroi drejtoresha e Fondit për Inovacione, Jasmina Popovska.
Rreth 50 persona do të trajnohen se si të aplikojnë dhe si nga idetë e tyre mund të bëjnë para.
“Do të mundohemi që t’u tregojmë modelin e biznesit për të bërë para, sepse inovacioni kërkon të mësohet potenciali i tregut dhe si të përfitohen para nga programi i inovacioneve”- tha ligjëruesi nga Hungaria, Petar Megjuroshi.
Trajnimi sot është mbajtur në Shkup, por gjithashtu trajnim do të mbahet edhe në qytetin e Manastirit dhe Ohrit nesër dhe pasnesër.(Rejhane Bushi-Metaj, TVM2)