Junker për azilkërkuesit ekonomikë: S’ka anëtarësim në BE për vendet “jo të sigurta”

Në të njëjtën kohë nga Gjermania në shtëpi do të kthehen edhe 29.353 shqiptarë, 11.642 serb dhe 2.425 malazezë.

Edhe vetë kreu i KE-së, Zhan Klod Junker, angazhohet që vendet nga Ballkani Perëndimor, prej nga vijnë një numër i madh i azilkërkuesve, të vihen në listën e vendeve të sigurta.

Në fjalimin para deputetëve të Parlamentit Evropian në Strasburg, Junker propozoi miratimin e listës së përbashkët evropiane të "vendeve të sigurta", prej të cilave vijnë azilantët ekonomikë.

Shtetet të cilat do të mbesin pa statusin “vend i sigurt”, do t'u shkurtohet e drejta e bashkëngjitjes në Union, paralajmëron Junker, duke përmendur vendet kandidate që aspirojnë për anëtarësim në BE, Maqedoninë, Shqipërinë, Bosnjë e Hercegovinën, Kosovën, Serbinë dhe Malin i Zi.

Ai sqaroi se qytetarëve të atyre vendeve nuk do t'u shkurtohet e drejta për azil, por kërkesat e tyre do të përpunohen me procedurë të përshpejtuar, ndërsa ata që do të refuzohen do të kthehen në shtëpitë e tyre.

Junker theksoi se duhet të përforcohen kufijtë e jashtëm të BE-së, por Marrëveshja e Shengenit nuk do të pezullohet gjatë mandatit të këtij komisioni.